Chapter 23
Matapos makipag-usap ni Monina kay Agatha ay napakagaan ng loob niya. Maganda rin pala kapag may napagsasabihan ka. Nangako ito sa kanya na walang ibang makakaalam bukod sa kanilang dalawa ni Israel. Kahit nga ang mga kaibigan niyang sina Darlene at Cristy ay hindi pa alam ang tunay niyang kalagayan.
“Miss Agapito. Please follow me in my office!” napatda siya nang marinig ang tila galit na boses ni Lourd. Hindi niya napansin na nasa kanyang likuran na pala ito.
“Bakit po, sir?” nanginginig ang tuhod na tanong niya. Hindi niya alam kung bakit siya biglang kinabahan.
“Do what i say! Huwag nang marami pang tanong!” singhal nito bago siya tuluyang tinalikuran nito. Nagtaka siya sa biglang pagbabago ng ugali nito.
“Mukhang galit na galit sa ‘yo si sir Lourd. Nag-away ba kayo?” t
