CHAPTER 8
SABADO ngayong araw at mag-isa lang akong nakaupo sa isa sa swing ngayon dito sa Parke. Masakit pa nga ang katawan ko sa buong araw na byahe kahapon, inaantok pa ako pero dahil mainit na naman ang timpla ni Bea sa presenya ko ay umalis na muna ako ng bahay.
Kung dati ay naiinis lang ito sa 'kin, puwes ngayon ay galit na ito sa 'kin. Patuloy siya sa pagsasabi na ang landi ko raw at ang kati ko, papansin daw ako at si Farrah. Kung hindi raw niya ako makikitang kausap si Luke ay si Warren naman daw ang nilalandi ko.
Masakit. Iyong patuloy niyang pagsigaw ng ganoon sa 'kin, kasi hindi naman talaga totoo iyon at wala akong maduming mga intensyon sa dalawang bago namin na kaibigan.
Kinausap na lang ako ni Lea, na palagi naman niyang ginagawa para hindi raw lalo sumama ang loob
