Napansin ni Chris ang biglang pagbabago sa galaw ni Zeus. Bigla itong naging masigla na at nakakunot lang ang noo nito.
"Boss...ayos na ba ang pakiramdam mo?" tanong niya kay Zeus.
"Oo naman. Ayos na. Naisip ko na hindi ko pala dapat iniiyakan ang babaeng iyon. Dahil simula ngayon ay wala na akong pakialam pa sa kaniya..." mariing sambit ni Zeus.
Kumunot naman ang noo ni Chris. "Ha? Anong pinagsasabi mong wala ka ng pakialam sa kaniya? Bakit boss? Ano bang nangyari?"
Mariing pumikit si Zeus kasabay ng pagtatangis ng kaniyang ngipin. Binabalot siya ngayon ng matinding galit dahil naiisip na naman niya ang larawang nakita niya kahapon.
"Ang babaeng iyon ay kakampi na ng mortal kong kaaway na Black Dragons. Hayop siya. Doon pa talaga siya kumampi. At nakikipaglandian pa siya sa isang miy
