Driver
“Mama! Nakakuha ako ng three stars!” salubong sa akin ni Amer nang matapos ang kanilang klase. Inangat niya ang kanyang tatlong daliri at malaki ang ngiti ang iginawad niya sa ‘kin.
Kinurot ko ang pisngi ng anak ko tsaka siya hinalikan doon.
“Masaya ako para sa ‘yo, anak!”
Pero nawala ang ngiti ng anak ko nang makita niya kung sino ang kasama ko. Kinabahan ako at umayos na ng tayo. Hindi ko masasabi kay Amer kung sino ang kasama ko. Wala pa akong plano at hindi rin ako handa. Natatakot ako sa magiging reaksyon ng anak ko. Natatakot din ako sa mga possibleng mangyayari.
“Ma, bakit nandito ulit siya?” At tinuro si Harry na ngayon ay nagulantang at napatalon sa kanyang kinatatayuan dahil sa pagturo ni Amer.
Hindi ko talaga mabasa ang lalaking ito. Bukod sa magugulatin, paiba-i
