Wife
“Anak, dito ka muna ha, makikipagkaibigan ka,” mahinahong sambit ko sa anak ko habang hinahaplos ko ang kanyang mukha.
Malungkot siyang tumango sa ‘kin sabay kuha sa bag niya na dala-dala ko.
Ngumiti ako at nilingon ang bandang pintuan. Hindi pa nagsisimula ang klase kaya hindi siya na-late.
“Huwag kang magsusungit tsaka makinig sa teacher,” paalala ko. “Babalik ako rito pagkatapos ng klase mo kasi magtatrabaho pa si mama, ah!”
Tumango siya at hinalikan ako sa pisngi bago siya pumasok sa loob ng kanyang silid-aralan. Inayos ko ang pagtayo ko at pinagmasdan ang anak ko na umupo sa kanyang upuan. Kumakaway siya sa akin at kitang-kita ko ang saya sa mukha niya na nakapag-aral na siya. Kung wala lang talaga akong trabaho ay buong araw ko siyang pagmamasdan pero hindi puwede ‘yon d
