"Lexus! Lumabas ka riyan!" pang-ilang ulit nang sigaw ni Clay sa labas ng gate.
Kasalukuyan siyang nasa labas ng bahay nito. Malakas ang kutob niyang may kinalaman ito sa pagkawala ni Isla. Una niyang hinanap si Matthias ngunit bigo siya. Nag-utos na rin ng mga tao upang hanapin ito at baka bukas ay may makuha na siyang resulta. Wala siyang pakialam kahit gabi na at tulog na tulog na ang mga tao.
"Lexus!" sigaw niya ulit at may nakita siyang tila umilaw sa isang kwarto.
Alam niyang naririnig siya nito at ayaw lang siyang labasin. Bumukas ang malaking pinto at iniluwa nun ang binata. Nakapangtulog na ito at halatang napukaw yata sa mahimbing na pagkatutulog.
"Clay," mahinang tawag nito nang makalapit na ito sa kanya. "Ano'ng ginagawa mo rito at nag-iiskandalo ka? Tulog na ang mga tao sa
