حكاية شمس/للكاتبة سلمي سمير

《المقدمة》 مساء الخير انا عايزه اعرفكم بنفسي بدون مقدمات كده هحكيلكم حكايتي انا شمس خريجه تجارة عندي ٢٣ سنه يتيمة الاب والام ماتوا في حادث عربية بعد جواز عمتو نهال بأسبوعين كان عمري ساعتها ١٠ سنين هتسألوا مين عمتو نهال دي بقي امي التانيه وصديقتي بابا هو اللي رباها وعلمها وجوزها لعمو مجدي وبصراحه عمتو هي وجوزها عمو مجدي ردوا جميل بابا واحتضنوني وربوني صحيح بعد موت ماما وبابا باعوا كل حاجه تخصهم لكنهم عملوا ليا بيها وديعه يصرفوا بيها عليا في حالة قصروا معايا ومرت الايام واتخرجت وحاولت اشتغل بشهادتي لكن للاسف ده كان المستحيل ذاته المهم مطولش عليكم في الكلام وادخل في الحكاية علي طول انا حاليا بعمل حلويات مقرمشه جميله وبابيعها لمحلات كبيرة طبعا هتسألوني ايه جاب التجارة للحلويات هقولكم انا جاتلي فكرة اعمل حلويات وابيعها من زباين عمتو طبعا هتسألو زباين عمتو اللي هما مين هي عمتو نهال بتشتغل وجوزها فين طبعا مش هاسيبكم حيرانين كتير هقولكم عمتو نهال من خمس سنين جوزها اتعرض لازمه قلبيه وبعدها عمل عمليه خطيرة في القلب وطبعا كان واجب عليا اساعدهم بلي اقدر عليه علشان ظروفهم المادية مش تمام فكيت الوديعه علشان اساعد في عملية عمو مجدي والحمد لله قام بالسلامه لكن كان صعب يشتغل اعمال فيها مجهود وهنا جت فكرت عمتو انها تأجر نص الشقه للمغتربين اللي هو ازاي شقة عمتو كبيرة ما شاء الله عملت نصها للايجار كنت بنام انا وبناتها التؤام سهي ونهي باوضه و عمتو وعمو مجدى وابنهم سامر في اوضه وباقي الاوضتين للايجار وكانت الخدمه فايف ستار طبعا كلكم عارفين يعني ايه فايف ستار ولا اقولكم هو انا خسرانه حاجه يعني خدمة كامله مميزه وكنت بساعدها وبصراحه كانت فكرة ممتازة واحدة غضبانه من جوزها وعايزه تبعد يومين تجي تشرفنا واحد استلم شغل جديد ولسه بيدور علي مكان يشرفنا شباب او بنات بيدوروا علي سكن ايام الدراسة كان الحال ممتاز وبيتحسن وانا كنت بساعدهم والم**ب كان كويس وبيكفي لكن المصاريف ومتطلبات الحياة بتزيد وجت فكرة مشروعي بعد شكر زباينها في حلوياتي وقلت كويس علشان اقدر اساعد بمبلغ اكبر في مصروف البيت وبالذات انها نوع جديد من المقرمشات وعملت المشروع تعبت في الاول لحد ما بقي ليا زباين كتير بيحبوا يشتروها ومحلات بتتعامل معايا بالطلب وبقيت اوسع نشاط مشروعي واخرج من القرية للمدينه وكان ارهاق السفر في القطر كفيل بإني اروح انام من التعب بس كان الم**ب بيكبر وزادت مساعدتي ليهم اكتر وبعد ٦ شهور من انشاء مشروعي بقيت اسافر يوميا للاسكندرية اورد طلبات لمحل حلويات كبير كان م**بي منه الضعف كان زبون ممتاز رغم انه طلب اشتغل معاهم بس خفت يخدوا مني سر الصنعه ويتعلموها ويدوني صابوني اه صابونه يعني يزحلقوني فاهمني كده يعني يطردوني المهم انتبهوا معايا وركزوا علشان من اليوم ده حياتي اتغيرت في اليوم ده وانا راحه اورد طلبي للمحل بالاسكندرية كانت قاعده جمبي ست عجوزه ت**و ملامحها الطيبه والحزن سألتها مالك وايه سبب الحزن والدموع في عيونك العجوز:- ابن بنتي اتقطعت اخباره من ٣ شهور وانا هتجنن واعرف حصله ايه وكل يوم انزل الاسكندرية واروح لشركته اسأل عليه ومفيش اي فايدة ولا فيه اي جديد شمس:- طيب ما تتصلي بالتليفون تسألي عليه بدل السفر كل يوم للاسكندرية ده مرهق عليكي هو انتي ساكنه فين العجوز:- في كفر الدوار وانتي شمس:- بمرح انا كمان من كفر الدوار بس في القري من جوه بس انا اول مره اشوفك تركبي معانا القطر العجوز:- كنت بسافر بعربيتي لكني تعبت من السواقه كل يوم فكرت اركب القطر واريح نفسي وفجاء وهي بتكلمني جسمها يرتعش وتقع عليا وكانت عرقانه جدا وجسمها متلج بصراحه انا اتخضيت وبقيت اصرخ الحقوني الحقوني وتجي شابه صغيرة شكلها متخرجه جديد وتقول انها دكتورة وتمسك ايدها تقيس النبض وتبصلي برعب دي حاله غيبوبة سكر حد معاه حاجه مسكره بسرعه وواحده حشرية من الركاب شافت علب الحلويات اللي معايا وقالت بصوت عالي سمعه الكل اللي قاعدة جمبها معاها حلويات ويسحبوا علبه من الطلبيه ويفتحوها ويدولها قطعه والدكتورة تكلمها افتحي بوقك وتحط ليه قطعة الحلويات وتديلها قطعه تانيه وبعد خمس دقائق تبدء العجوز تفوق وانا كنت هصوت اه وربنا هصوت لان اللي فتحت العلبه داقت الحلويات لقت طعمها حلو بقت تعزم زي ما تكون بتاعتها وكل اللي في العربيه حبوا يدوقوا هما كمان وراحت الطلبيه في ابو بلاش وانا روحت في داهيه وتشوف العجوز الدموع في عيني بعد ما ضاع تعبي لا **بت فلوس ولا حتي ثمن التكاليف اللي اقدر اعمل بيها طلبية جديدة وكده خسرت زبون كان بياخد طلبيه كبيره اكيد لان الطلبيه كانت لحفله وكده هو هيخسر وطبعا هيرفض يتعامل معايا لاني خلفت معاهم وخسر بسببي العجوز:- اكيد الحلويات ده شغل انتي بتوصليه واكيد ليه تمن وحرام تتحملي ثمنها لوحدك وكنت انا السبب انك تخسري شغلك تعالي معايا اروح الشركة اسأل علي ابن بنتي وبعدها تروحيني وانا هدفعلك كل التكاليف وتمن الحلويات كامل شمس :- وقلبها يرقص من الفرحه بجد انتي بتتكلمي بجد العجوز:- ايوه بتكلم بجد يلا قبل القطر ما يتحرك وخدتها ونزلت واتفاجات من مظهرها كانت سيدة شيك جدا وانيقه وشكلها بنت ناس زيادة عن اللزوم من طريقة تعاملها مع سواق التا**ي اللي طلبناه ووصلنا لمقر شركة كانت شركة كبير عالمية للجولوجيا والتعدين وتدخل للاستعلامات تسأل علي حفيدها الموظف:- يا مدام وصال احنا قولنالك كذا مره حفيدك المهندس يزن في رحلة بحث خارج البلاد هو والبعثه كلها واخبارهم اتقطعت لو وصل لينا اي جديد هنبلغك اتفضلي ده موقع الشركة بره راسليهم وهما عيبلغوكي او يوصلوا رسايلك للمهندس يزن ده كل اللي اقدر اعمله ليكي انا مقدر لهفتك وخوفك عليه بس انا معنديش اي حل تاني وصال:- تاخد منه الورقه اللي مكتوب عليها مكان المرسله لحفيدها وتحطها في شنطتها وتبص للموظف بغضب لو حفيدي جراله حاجه انا مش هرحمكم كلكم وتخرج متعصبه انا بصراحه خفت منها دي شخصيته قوية اووي وخرجت اجري وراها وطلبت تا**ي وركبنا وطول الطريق ساكته طلبت من السواق يكمل بيها لكفر الدوار وهتديله اللي يطلبه ووافق السواق كانت رحله مريحه غير القطر وسالته ليه مجتيش في سيارة اجرة بدل تعب السفر بالقطر مدام عندك مقدرة تدفعي اجرة السواق العجوز:- خفت اركب معاه لوحدى انا مريضة سكر وزي ما شفتي اللي حصلي في القطر كان ممكن يحصلي وانا بالعربيه مع السواق لوحدى كان ممكن يأذيني وي**قني او يرميني في اي حته ويخلص مني ويمكن ربنا بعتك ليا علشان تبقي رفيقتي انا ارتحت ليكي اوووي وعلشان كده اخدت تا**ي لحد البيت لانك هتونسيني وهترافقيني وهتاخدي بالك مني شمس:- اكيد وفضلت تحكيلي عن حياتها وان ليها ابن وبنت بنتها وجوزها ماتوا من ٦ سنين في حادث طيارة وهما رايحين للحج وسابوا ليها يزن ياونسها علشان كده بتجنن لما بيغيب عنها من يوم موت والديه وهو عايش معاهم ام ابنها رفض يعيش معاهم لان مراته كانت بتاعملها وحش طرديتهم بره بيتها وحاليا عايشه لوحدها بعد اختفاء حفيدها يزن وليها احفاد من ابنها ولد وبنت شجون وشوكت بس هي مش بتحبهم لان امهم مش بتحبها وعلمت ولادها يكرهوها وابنها مش بيتدخل ويصلح العلاقه بينهم وبالذات انه غيران من ابن اخته اللي مسيطر علي قلبها حكايتها وجعتني وفكرتنيي بنفسي واحساسي باليتم ليه الناس بيستكثرو علي اليتيم العطف والحنان وحمدت ربنا علي عمتو نهال وعلي حب ولادها ليا والمهم الطريق خلص وونزلنا من التا**ي وساعدتها تنزل وقفت مصدومه من المنظر اللي شفته قدامي كان منظري زي الهبله من الصدمه ولقيتها بتقولي مالك واقفه كده ليه انا بصيت ليها بصدمه وقولتلها هو انتي مش شايفه...؟؟ يتبع