Kristel
“NO.” Ano raw? Lahat ng saya at kumpiyansa ko sa mga oras na 'yon ay tila nagbagsakan.
Tama ba 'yong narinig ko?
Napatayo naman kaagad ako at hinarap ito. “B-bakit naman?” Umirap lang ito. Bakit naman napakatigas yata niya ngayon?
Sayang naman kasi effort namin ni nanay tapos wala namang nangyari. Imbes sagutin ako ay tinalikuran lang ako nito. Napahawak na lang ako sa sentido ko dahil sa nararamdamang frustration.
Malapit na akong mapuno at mainis.
Susundan ko siya! Tama! Susundan ko siya!
Susundan ko na sana siya ng may kamay na pumigil sa balikat ko.
Si Nanay.
“Pabayaan mo muna siya, 'Nak,” wika nito.
“Pero 'Nay, masasayang effort natin," sagot ko naman dito. Paano na lang 'yong mga ginawang effort namin ni nanay? Ang aga-aga ko pa naman magising para paghandaan 'to. H
