HABANG PABALIK Si Marko sa opisina niya ay palinga-linga pa rin siya sa gilid ng kalsada, nagbabakasakaling makita niya si Clarise. Galing siya sa kalsada kung saan niya nadaanan noon si Clarise pero wala naman sila roon. Kaya nagpasya na lang siyang pumasok na muna sa opisina dahil may hahabulin pa siyang meeting.
Ngunit, ilang sandali pa ang nakalipas ay hindi sinasadya na may nahagip ang mga mata niya. Halos lumuwa ang mga mata niya na pinakatitigan niyang mabuti kung si Clarise nga ba talaga ang nakikita niyang nakaupo sa waiting shed. Hindi nga siya nagkamali—si Clarise nga iyon na may kalong na bata. Ganoon na lamang ang malakas na pagtahip ng dibdib niya pagkakita rito. Hindi niya maintindihan ngunit kakaibang saya at excitement ang naramdaman niya nang makita ang babae. Kaya mabi
