“Malas! Nasaan na ba ‘yon?” angil ni Keith.
Pinipigilan niyang mawalan ng balanse kahit nanlalambot na ang mga paa. Ang problema’y mas mauuna pa yata siyang sumubsob sa buhanginan bago niya mahanap ang cottage niya. “Bakit ba kasi hindi ko tiningnan ang room number ko? Hindi ko akalaing pare-pareho ang mga cottage dito!”
Sa mga oras na iyon, hindi niya inaasahan na dadalhin siya ng kanyang pagkaligaw sa restobar na pinanggalingan kanina. Dahil ito lang ang pamilyar sa kanya, hindi siya nagdalawang isip at muling pumasok dito.
Hindi na crowded sa loob ng bar. Mabibilang na lang sa mga daliri ng kamay ang customers na nakikipaghalakhakan sa mga kasama nila. Nang tumuloy pa siya ay natanaw sa dulong mesa ang pamilyar na lalaking nakita niya kaninang hapon lang. Nakaupo pa rin ito sa pwe
