Ilang segundo ring tinitigan ni Irish ang sarili sa salamin. Sunod-sunod ang paghinga niya nang malalim. Dahil sa pagtawag ni Suzie, nadagdagan pa tuloy ang kanyang iniisip. Hindi ito tungkol sa opisina kundi ang sinabi nito tungkol sa pagsusukat niya ng wedding gown ang bumagabag sa kanya.
Tinapik niya ang pisngi na tila ginigising ang sarili. Huwag kang advance mag-isip, girl. Kayo pa rin ang gumagawa ng kapalaran n'yo. Nasa choice n'yo kung ano ang gusto n'yong mangyari sa buhay.
"Yes," bulong niya. "Nasa sa 'min na 'yon. At choice naming magpakasal."
Hindi naman sila nahadlangan ng RnJ para magkatuluyan. Kaya wala ring magiging hadlang upang hindi matuloy ang kasal.
Nakaakinis lang. Kung anu-ano ang iniisip ko. Pero siguro, part 'to ng soon to be bride.
Bago lumabas sa powder ro
