Pagkasakay sa loob ng kotse ay agad na ipinasuot ni Keith ang kanyang coat sa dalaga. Mayamaya pa’y tahimik na silang bumi-biyahe sa kalagitnaan ng gabi.
Malamig ang simoy ng hangin sa loob ng sasakyan ngunit mainit ang pakiramdam ng mukha ni Irish. Tahimik lang siyang nakatanaw sa labas kahit wala siyang ibang nakikita kundi kadiliman. Ang kaninang tulog niyang diwa ay gising na gising ngayon. Paano’y hindi niya inaasahan na susugod si Keith sa kanyang bahay upang siya’y puwersahang kunin.
Lubos mang ikinagulat ang kilos ng binata, hindi niya maikakaila sa sarili na isang malaking 'turn on' ito sa kanya. Pakiramdam niya’y kay espesyal niyang nilalang. Kailan ba iyong huling beses na naramdaman niyang may nagki-claim sa kanya? Iyong tila hindi ito mabubuhay kung hindi siya nakikita.
Wa
