“Good evening, sir, ma’am. Welcome to Fuentes Studio!” bati ng receptionist kina Keith at Irish.
Kahit na naiilang, magaan ang pakiramdam ni Irish sa lugar na iyon. Lahat ng mga haligi ay napapalibutan ng malalaking larawan. Kuha ang mga ito ng mga customers na gumamit ng serbisyo ng studio. Karamihan sa mga ito ay mga sikat na personalidad. May naka-gown at black suit. Ang iba naman ay naka-tuxedo at wedding gown. Napalunok ang dalaga nang makita ang huling larawang iyon.
“Yes, hello,” ani Keith sa babaeng receptionist sabay inakbayan niya si Irish. “Gusto namin ng asawa ko na magpalitrato kami na naka-pangkasal. Sa judge pa lang kami nagpakasal noong nakaraang buwan at simple lang ang damit namin noon. Pwede ba ‘yon, miss?”
Mabilis na tumango ang receptionist. “Syempre po, sir. Kind
