“Alright, Miss Santiago, it’s done.”
Mabagal na bumuga ng hangin si Irish saka bumangon sa examination bed. Hindi niya inaasahan na ganoon kabusisi ang medical evaluation. Pakiramdam niya’y sumuong siya sa isang prenatal checkup.
Pasalamat na lang siya at sa loob ng anim na buwang pagsasama nila ni Keith ay wala talagang nangyari. Dahil kahit hindi sila umamin, malalaman at malalaman ito. Hindi niya kasi akalain na bukod sa physical examination ay sasabak din siya sa lie detector test.
Pagkatapos mag-ayos ng sarili ay lumabas na sa examination room si Irish. Wala na ang ob-gyne nang tumungo siya sa opisina nito. Ang naroon na lang ay isang matangkad na babae na nakasuot ng puting blouse at palda. Ito rin ang nag-assist sa kanya kanina. May kalakihan ang nangungusap nitong mga mata at ng
