“Sir Lucas, akala ko po ba mayaman kayo? Eh bakit po naubos ko na ‘yung pangatlong baso ko, pero hindi n’yo man lang ako inalok ng pulutan? Ang damot mo po, sir. Sabi sa ‘kin ni Pinky, maraming pagkain dito. Kapag nagutom nga raw po ako, pwede akong humingi sa inyo rito. Alam n’yo po ba d’on sa ‘min, ‘yung mga lasenggero sa kanto, iba’t iba ang pulutan.” Pagmamayabang ko sa kanya habang nakakaramdam na ‘ko ng pagkahilo. Alam kong epekto lang ‘to ng alak kaya hindi ko na lang pinansin at tinuloy ko ang pagkwekwento ko sa kanya. “Maraming iba’t ibang inihaw do’n sa ‘min, sir! May isaw ng manok at baboy, paa, leeg, betamax, atay, hotdog. Lahat ng parte ng manok at baboy na pwedeng iihaw meron do’n. Tapos mas cornick at mani. ‘Yung mani dalawang klase pa. ‘Yung hubad at hindi. Ano’ng mani ba a
