Isang lugar lang ang pumasok sa isip ko nang sabihin ni Lucas na dadalhin niya ‘ko kahit saang lugar ko gusto. Kahit pa sabihin sa ‘kin ni Lucas na kaya niya ‘kong dalhin kahit saang parte ng Pilipinas o kahit pa sa ibang bansa, hindi pa rin magbabago ang isip ko. Ang tanging lugar na gusto kong puntahan ay sa lolo’t lola ko. Mula kasi nang maloko ako ni Rita at dalhin sa auction, hanggang sa tumira na ‘ko kay Lucas, tatlong beses ko pa lang nakausap sina Lolo Ramon at Lola Nida. Nahihiya rin kasi ako, na palaging abalahin si Tope para pumunta sa bahay, para makausap ko ang lolo’t lola ko. Pumapasok kasi sa school si Tope at nasa college na, tapos may sideline pa na trabaho sa water refilling station na malapit sa bahay nila.
Pumayag si Lucas nang tanungin ko siya kung pwede ba ‘kong duma
