Narinig ko na may kumatok sa opisina ko kaya naghintay ako na bumukas ito pumasok si mama na may dalang tray ng miryenda kaya isinantabi ko muna ang mga papeles na pinag-aaralan ko.
"Mag-miryenda ka muna anak, nagbake ako ng banana bread at nagtimpla ng mainit na gatas." Napangiti ako kay mama at tumango.
"Salamat mama." Hinaplos lang niya ang mukha ko kaya napapikit ako.
Naramdaman ko ang kamay niya na medyo mainit na nakadampi sa pisngi ko kaya napamulat ako bigla.
"Sunduin mo si Mia Rose ngayon Lucas, may isang taong gustong mangahas na lapitan siya." Napatingin ako bigla kay mama. Ginamit na naman pala niya ang kakayahan niya kaya makikita niya ang mangyayari mamaya.
May kapangyarihan si mama na makita ang hinaharap at ito ang lihim na hindi namin pwedeng ibunyag kanino man dahil
