Maaga akong gumising kinabukasan dahil ngayon ako pupunta kina Lily, pero bago iyon ay ipapasyal daw muna niya ako sa buong Valle Verde.
At manananghalian kami sa kanila kaya excited na ako at kinakabahan rin.
Sabado ngayon at walang pasok kaya kagabi pa lang ay nagpaalam na ako kay lola at uncle.
Halata na ayaw ni uncle na payagan ako pero si lola na mismo ang pumayag kaya wala na naman siyang nagawa.
Tumawag rin kasi sa kanila si Lily at hindi na sila nakatangi sa pakiusap nito.
Naalala ko kung gaano siya ka-cute nang pinagpapaalam niya ako kay uncle kaya hindi nakapagsalita pa si uncle at sunod-sunod na lang itong tumango kay Lily.
Bumangon na ako sa kama ko at pumunta ng bintana para buksan ito at ang blinds napatanaw ako sa labas dahil nagbubukang-liwayway na at papasikat na an
