Chapter 14
Maaga akong nagising kinabukasan. Balak ko din kasing maagang pumasok para maaga ulit akong makauwi. Gusto ko kasi sanang ipasyal ang mga kapatid ko kasi malapit na ang pasko, pero kung hindi talaga kakayanin mamaya e pwede namang bukas na lang tutal sabado naman bukas. So ayon, naligo na ako at nagbihis ng formal attire. Hindi na ako naglagay ng make up, actually hindi talaga ako laging naglalagay ng make up. Kapag kailangan lang talaga since sensitive din talaga ang balat ko so mabilis akong mangati. Nang makitang ayos na ang suot ko ay lumabas na ako ng kwarto. Naabutan ko si tatay na naghahanda na ng agahan, maaga din siyang gumising dahil may pasok ang mga kapatid ko. Alas singko pa lang kasi ng umaga, ang pasok ng mga kapatid ko ay 6:30 kaya ginising na sila ni tatay. Hal
