"Saan tayo pupunta?" tanong ni Allison kay Carter habang nagmamaneho ito.
"Ikaw, saan mo ba gusto?"
Umiling si Allison. "Hindi ko rin alam," aniya. "Kailangan ba talaga nating gawin ito?"
"Kung gusto mo lang naman," maagap na tugon ni Carter. "Gusto ko lang maging komportable ka sa akin. Inaalala lang kita."
Tumango ang dalaga. Katahimikan ang sumunod na bumalot sa kanilang dalawa.
Hindi rin alam ni Carter kung saan dadalhin si Allison. Pwede namang kahit saan, ang mahalaga ay magkasama sila.
Wala pa siyang plano. Basta niya lang sinundo ang dalaga. Gusto niya lang talaga itong makita at makasama.
Habang binabaybay ang kahabaan ng circumferential highway ay naagaw ng isang Billboard ang atensyon ni Carter. Napangiti siya dahil sa ibinigay nitong ideya.
Tumingin siya sa dalaga at
