Kasalukuyang nakaupo ang dalaga sa terasa ng kwarto nila at naghihintay na umuwi ang binata at nang makapag usap sila ng masinsinan. Hindi na niya kasi maintindihan ang sarili. Habang nakikita niya si Athalia ay lalong umuusbong ang paninibugho't pagkalungkot niya. Ilang sandali lang ay pumasok sa gate ang itim na Vios. Naghintay siya ng ilang minuto subalit hindi pa pumapasok ang binata sa loob ng kwarto nila kaya napagpasyahan niyang lumabas at salubungin nalang ito sa baba. Pababa siya ng hagdan ng makita niya ang dalawa at si Athalia ay nakayakap ito sa asawa niya. Agad niyang naramdaman ang kirot sa dibdib niya. Agad namang napagawi ang tingin ni Athalia sa kaniya na nakatanga lang. Agad siyang nginisihan nito at inirapan. Napayuko siya't nagsalita na.
"You're home." Aniya. Ni hindi
