CHAPTER THIRTY THREE
Siam Alonzo
UNANG gabi namin sa beach resort. Nasa pavilion kaming lahat. Ultimo ‘yong mga stay in na staffs ng Paraiso ay kasama rin namin. Siguro nasa walo rin ang mga stay in staffs.
Sa mahabang mesa, nakalatag ang dahon ng saging at nakaayos na ang mga pagkain na kakainin namin. Ito ‘yong tinatawag nilang boodle fight.
Iba’t-ibang pagkain ang nakahanda at may lambanog pa. Tiyak na may mae-empacho sa amin at malalasing sa amin. Chos!
Mga nakatayo kaming lahat at walang gagamit ng kubyertos para dama ang boodle fight.
As usual, magkatabi kami ni Yesza. Hindi naman kami mapaghiwalay nito, e. Minsan napagkakamalan na kami mag-jowa pero alam namin sa isa’t-isa na hindi kami talo.
Mas gugustuhin pa nitong maging single at panoorin ang mga lalaki sa lalaki
