CENTRY TOWN:
Nakarating sila sa Centry Town nang mabilis dahil kailangan pa rin na mapagamot si Peter kahit pa gumagaling naman ang sugat nito. Inilapag ni Lux ang anak sa kubo at nagsilapitan ang mga tao sa kanila dahil nakita nilang may dugong tumutulo sa lupa. Habang pinagkakaguluhan sila ay sumingit si Apple at umakyat sa kubo.
“Maaari na po kayong umuwi, sige na po magsipag-uwian na kayo.” Pagpapaalis ni Apple sa mga tao habang papalapit naman ang lola niya para tignan kung anong pinagkakaguluhan ng mga tao sa tirahan niya.
“Ano pong nangyari?” tanong ni Apple kila Lux at Luxy habang nakatingin sa dalawang lalaki na nakahiga.
“Tulungan mo ko rito Apple.” Tawag ni nanay Terice sa apo niya. “Halikayo’t dalhin niyo sa loob.” Utos ng matanda kaya agad na pinagtulungan nilang buhatin
