SPRING STREET:
Lumapit si Lux kay Peter na may dala dalang sandwich, umupo siya sa sofa bago niya ibigay ito kay Peter habang may hawak pa siyang isang sandwich para sa kaniya.
“Ano po yung niluluto niyo sa kusina Mommy?” tanong ni Peter dahil naamoy niya mula sa sala ang niluluto ng kaniyang ina.
“Ulam natin para mamayang gabi, nga pala nakita mo nang gumalaw ang kapatid mo?” Turo ni Lux kay Luxy gamit ang labi niya kaya napatingin din si Peter sa kaniyang kapatid na hanggang ngayon ay nakahiga pa rin.
“Hindi pa po eh,” sagot ni Peter.
“Ba't niya kasi binuhos ang lahat ng lakas niya alam niyang kada higop niya ng kuryente eh nababawasan siya ng lakas, dahil napapasama ito sa ilalagay niyang kuryente para sa bahay natin,” paliwanag ni Lux kay Peter habang parehas silang nakatingin kay
