Kanina ko pa sila pinagmamasdan pero wala pa rin silang sinasabi tungkol sa akin. Bakit kasi ayaw pa nilang sabihin? Sa yaman nila, imposibleng matakot sila kay Lola, 'di ba? Kung iisipin, baka nga mas mayaman pa sila sa Yang.
Mabilis akong napaangat ng ulo nang makita ko si Jeff. Nakasuot siya ng formal suit at may hawak pang bouquet na talaga namang ipinagtaka ko. Hindi pa rin siya lumalapit kaya ako na ang tumayo para makitsismis.
"Punta lang po ako sa restroom saglit," paalam ko kasabay ng pagtayo.
Binigyan naman ako ng daan ni Kade. Muntik na kong hindi tumuloy nang tumingin si Kade kay Jeff. Akala ko magseselos na naman siya pero hindi pala. Muntik ko nang makalimutan na may amnesia nga pala ang asawa ko.
Gusto ko lang makibalita kay Jeff. Na-miss ko siya dahil sa tagal naming h
