NATALIA GIA VALDERAS
"Nay, wag na po kayong mag-alala sa akin... Okay lang po ako. Nakakakain ako ng maayos dito sa apartment para sa mga empleyado," sambit ko habang nakangiti kahit hindi nito nakikita.
Hapon na at nakaupo lang ako sa sahig ng sala at napapaligiran ng mga kahon. Ang sakit ng likod ko kakayuko maghapon.
"O siya sige anak, basta tatawag ka lagi ha? Wag kang magpupuyat, ‘wag kang magpapalipas ng gutom." sagot ni Nanay.
"Opo. Kayo rin po. Basta kapag may importante kang sasabihin ay i-text mo lang at tatawag ako agad."
Ilang sandali pa kami na nag-usap ni Nanay. Lagi ko kasi na-mimiss ang boses nito kaya kapag tinatawagan ko ay sinusulit ko at tinatagalan ko na ang tawag.
Pagkababa ko ng tawag kay Nanay ay doon lang ako nakahinga ng malalim. Tinabi ko yung phone at tini
