Hatak-hatak ni Miguel si Yolanda sa isang kilalang lugar na dinarayo ng mga parokyanong adik sa crab o alimango. Tuwang-tuwa ang lalaki nang bigla na lamang syang kumatok sa bahay nito isang araw. Mahigpit na yakap ang ipinagkaloob sa kanya ni Miguel. Animo'y isang taon nya itong pinagtaguan, eh tatlong araw lang naman.
Teary eyed pa ang lalaki nang pinagmasdan nito ang kanyang mukha, saka nilapirot ang kanyang pisngi.
“Bes, di ba mahal dito,” Awat nya kay Miguel nang papasok na sila sa nasabing restaurant.
“Okay lang yan! Masarap ang Alaskan king crab nila dito. Saka KKB naman eh, kaya di ako masyadong mabibigatan sa gastos,” sabi nito sabay hatak ng isang silya para sa kanya.
Nangainit ang pwet ni Yolanda. Nang makita nya kasi ang menu ay ubod ng mamahal ng mga sineserve
