Saskia's POV
Nagising ako dahil sa liwanag ng araw. Kinapa ko ang tabi ko pero wala akong Savino nakapa. Ang aga naman yatang nagising nito. Nakapanibago. Alam kong maaga pa kahit maliwanag na sa labas. Ganito talaga sa probinsya, kahit kakabungad palang ang alas siyes ay sobrang liwanag na. Lalo pa't nasa ibabaw kami ng bundok.
Magaan ang pakiramdam ko sa umagang ito. Nakakagaan din naman pala sa pakiramdam na bumalik sa lugar na lagi kong pinupuntahan noon. Ang lugar na syang saksi sa mga luha ko at sumbungan sa mga problema ko.
Bumangon ako at umalis na sa kama. Pagkatapos kong ligpitin ang higaan namin ni Savino, agad akong humakbang palabas sa maliit na kubo na syang silungan namin. Nang buksan ko ang pinto, bumungad sa akin ang malamig at preskong simoy ng hangin. Napayakap ako s
