Billionaire's Runaway Fake Wife- (Montreal Property 7)

Nakangiti akong nakatingin sa wedding ring na nasa aking daliri. Hindi ako lubos makapaniwala na sa sandaling panahon, natupad na ang pinakapangarap ko mula pa nung bata ako. Ang maikasal ako sa lalaking pinakamamahal ko. Sinong mag- aakala na ang isang tulad kong hindi man lamang nakapagtapos ng high school ay asawa na ngayon ng nag- iisang Savino Davin Montreal. Anak ng isang napakayaman pamilyang Montreal, isang piloto at isang sikat na car racing. Wala sa plano nya na pakasalan ako pero pinilit sya ng mga magulang nya dahil sa malaking kasalanan na nagawa nya sa akin. Kakambal ng kasiyahan na naramdaman ko dahil ikinasal ako sa lalaking mahal na mahal ko ay ang lungkot at pangamba. Masaya naman kami ni Savino sa mga unang araw ng araw ng kasal namin pero naramdaman ko nalang ang pagbabago nya kalaunan. Bagay na ipinagtaka ko ng sobra. At nagsimula ang kalamigan nya sa akin nung bumalik ang totoong girlfriend nya na si Charlotte. Inisip ko na baka mahal pa nya ito kaya sya nanlamig sa akin. Pero pangako ko sa sarili ko na gagawin ko ang lahat, mahalin lang ako ng asawa ko. Pagsisilbihan ko sya at ibigay ang lahat ng kaya kong ibigay sa kanya. Naniniwala ako na balang araw matutunan din nya akong mahalin. Agad akong pumasok sa condo unit ni Savino. Dito kami tumirang mag- asawa pagkatapos ng aming kasal . Aalis sana ako para bisitahin si Amari/Safarra sa ibang bansa nang nakalimutan ko palang dalhin ang passport ko. Agad na gumapang ang kakaibang kaba sa akin nang nakita ko na nagkalat ang mga damit pambabae at panlalaki sa sahig. Ramdam na ramdam ko ang panginginig nang hinawakan ko ang seradura sa kwarto namin ni Savino, at halos takasan ako ng aking ulirat sa aking nakita. Si Savino, may kayakap syang babae sa kama at mukhang masayang- masaya silang dalawa dahil sa tamis ng tinginan nila. Sa klasi ng kanilang mga hitsura, alam kong pareho silang nakahubad sa ilalim ng kumot. "Kailan mo ba sasabihin sa peke mong asawa na fake lang ang kasal nyo? I can't wait to be with you." Ani ng babae na kilala ko. "Sorry honey, hindi pa sa ngayon. Kailangan muna yang mabuntis at magkaanak, saka ko sya hihiwalayan. All I want from her is a child. Madali lang syang itapon, kasi mangmang naman sya at walang laban sa akin. I can use my money over her." nakatawang sambit ni Savino. Ayaw kong gumawa ng ingay, pero tila ako mabubuwal. Kaya nakagawa ako ng ingay ng hindi sinasadya. Sobra akong nasaktan sa aking narinig. Agad na napatingin ang dalawa sa aking bungad. "Saskia!" tulalang sambit ni Savino. Walang salita na nanulas sa aking labi. Sunod- sunod lang ang pagtulo ng luha ko, idagdag pa ang pananakit ng puson ko. Halos hindi ako makakilos dahil sa sobrang paninigas ko. Ang babae na kasama ni Savino, nakatingin lang sa akin na walang mababakas na alahanin sa kanyang hitsura. "My God Saskia!" sambit ni Savino na napatingin sa ibaba ko. Nasundan ko sya ng tingin at halos napasigaw ako sa hinagpis nang nakita ko ang madaming dugo na dumaloy sa aking hita. Ang baby ko! Ang baby ko! Oo! Buntis ako. Hindi ko na napigilan at tuluyan akong nawalan ng malay.