DELTA:
NAIINIS akong nagtungo sa hospital namin at pinuntahan si Jarren. Ayoko pa naman na nabibigo ako. Alam na alam ko kung may maling nangyayari. At malakas ang kutob kong. . . pinaglalaruan kami.
Habang nagmamaneho, napapaisip lang ako. Kung anong dahilan ni Kelsey at ayaw niyang mag-donate ng dugo kay Jarren noong una. Pero nang lumabas na si Darren at Noah, biglang nagbago ang desisyon nito.
Isa siyang ina. Dapat lang na uunahin niya ang kapakanan ng anak niya lalo na't delekado ang dengue. Pero nagawa pa niyang mag-inarte.
Napailing ako na ipinagsawalang bahala na muna ang mga tumatakbo sa isipan ko. Para saan pa at malalaman ko rin ang laro nito.
Pagdating ko sa hospital, nakahanda na ang mga gamit ni Jarren. Masigla na ulit ito na nakikipag kulitan sa Lola Airen nito. Mab
