DARREN:
HINDI ko alam pero bigla akong binundol ng kakaibang kaba sa dibdib sa pangalang sinambit ni Jarren. Ayokong umasa, pero sa puso at isipan ko ay umaasa akong sana. . . sana ay si Airen na mahal ko ang babaeng tinutukoy nito.
"Mommy, isasama po ba natin si Nanay sa condo ni Daddy?" tanong ni Jarren na kalong ni Kelsey sa likuran ko.
"Yes, anak. Gusto mo 'yon, 'di ba?" nakangiting tanong nito na ikinatango ni Jarren at malapad ang ngiti sa ina nito.
"Opo, Mommy. Thank you. I love you po," malambing sagot ni Jarren na pinaghahalikan pa ang ina nito sa buong mukha.
"Aw, that's so sweet of you, son. Mommy loves you more," sagot nito na pinupog ng halik ang buong mukha ni Jarren na napahagikhik.
Nangingiti akong nakikinig sa mag-ina at pasulyap-sulyap sa kanila sa rear view mir
