Chapter 12
Kinabukasan ay pinayagan na rin ng doktor na lumabas ng ospital si Chuck pero kailangan pa rin nitong magpabalik-balik sa ospital para sa therapy. Ni-refer nila kami sa isang magaling na therapist at ayon sa kanila ay marami na raw natulungan iyon na kagaya ng kalagayan ni Chuck.
"Kumusta ang pakiramdam mo, Chuck?" tanong ko habang nasa elevator kami pababa sa lobby.
"I'm okay, sweetheart." Ngumiti ito at nilingon si Mamita. "Next week pwede na akong magtrabaho."
"No," magkapanabay naming saad ni Mamita.
"Hindi kita papayagang magtrabaho kaagad, Chuck." Tinapik ko ang balikat nito. "You have to focus on your health. Mga dalawa hanggang tatlong buwan, pero depende pa rin sa magiging resulta ng therapy."
"Tama si EJ, apo," sang-ayon ni Mamita. "Ako na muna ang bahala sa komp
