Chapter 6
"Hey, dude," dinig kong wika ni Jude sa nakaratay na si Chuck. Almost two weeks na simula nang mangyari ang aksidente. Almost two weeks na ring nasa state of coma si Chuck. Sa mga panahong iyon ay pinilit kong magpakatatag alang-alang sa batang nasa sinapupunan ko.
"Gumising ka na," patuloy pa ni Jude saka ngumisi. "Sige ka, baka iba ang makilalang ama ng magiging anak mo—" Hindi nito naituloy ang mga sinasabi dahil isang kurot sa tagiliran ang natamo nito sa nobyang si Vivienne.
"Shut up, Jude," pabulong na saway dito ni Vivienne. "Nakakarinig 'yan si Chuck."
"Mas okay nga 'yon, hon." Biglang sumeryoso ang mukha ni Jude. "Para malaman niya kung gaano kawalang-hiya ng kaibigan niya."
Hindi man nito pinangalan kung sinong kaibigan, pero alam kong si Jackson ang tinutukoy nito
