Chapter 27
Muli akong pumasok sa maliit na kwartong iyon dahil nagbago na ang isip ko. Ayokong malaman ni Fern na narito ako sa loob ng opisina ni Chuck. Mag-iskandalo siya hangga't gusto niya, wala akong pakialam. Magkakasamaan lang kami ng loob at ayokong madamay ang bata sa sinapupunan ko. Hangga't maaari ay ayokong isipin ang mga problema. Isa pa, kaya naman siguro ni Chuck na labanan si Fern dahil nasa teritoryo niya ito.
"Hanggang ngayon, napakayabang mo pa rin, Chuck," dinig kong wika ni Fern nang muli akong maupo sa kama. Hinaplos ko ang aking tiyan dahil parang sumipa ang bata.
"I'm just telling the truth, Andy," dinig kong tugon ni Chuck. Mababa na ang tono nito at waring ayaw iparinig sa akin ang pinag-uusapan nila. "This company is mine."
"Really?" Hindi pa rin makapaniwala
