الفصل الخامس ...قلوب مشتتة ....سلوى عليبة .

1861 Words

#قلوب_مشتتة #الفصل_الخامس Salwa Eleiba خرجت شمس من الفصل بعد ان أنهت حصتها وهى تنوى فى قراره نفسها انها ستنهى هذه المهزله خاصة بعد ان سمعت بعض الطالبات يههمهون ببعض الكلمات عليها ومنها انهم لاحظوا ان هانى يغيب فى ايام كثيره ماعدا اليوم الذى تأتى فيه شمس للمدرسه وانه طوال الحصه يركز معها ومنهم من يقول طبعا ما هو لقطه بالنسبه لأى حد ..... فقررت شمس إنهاء هذه المسأله تماما أخرجها من تفكيرها نداء هانى لها وهو يقول: يامس لو سمحتى مش انا قايلك انى عايز اسألك فى بعض النقط؟ ...... وقفت شمس وأخذت نفس عميق والتفتت اليه وقالت بجدية مزعومة:وانا ممانعتش وقولتلك اتفضل اسأل ولا المفروص المدرس هو اللى بيروح للطالب مش العكس...!! قالت هذه الكلمات بحده لتؤكد عليه انها معلمته وماهو الا طالب عندها ..... فرد عليها بسخريه من كلامها والذى وصل اليه معناه كاملا ....طبعا ياااا مس لازم انا اللى اجيلك وادور عليكى لان اللى محتاج حاجه هو اللى بيدور عليها وانا لما بحتاج حاجه وابقى متأكد انى مقدرش استغنى عنها مبسيبهاش بسهوله وبدور عليها مهما غابت عنى لغايه لما الاقيها .. قال هذا الكلام ايضا برساله مبطنه فهمتها شمس جيدا فقالت له ببرود :..وايه بقى الاسئله اللى عندك؛لانك مش الطالب الوحيد اللى عندى فيه غيرك كتيييير فى المدرسه وانت شايف .... رد عليها بعصبية وغيرة غير مفهومة: يعنى ايه غيرى كتييييير...فردت ببرود شديد طلبه عندى طلبه غيرك عايزين برده يفهمو منى حاجات .. ايه هو انت مفكر انك لوحدك محور الكون ولا علشان اغنى منهم وليك.عيله كبيره يبقى انت اللى لازم نفهمه والباقى بلاش يفهم. لا متسرحش كتيييير وتخلى سقف خيالك عالى ،انت بالنسبه ليا زيك زى أى طالب مفيش فرق بينكم ولا انت ليك الافضليه عليهم لأى سبب ولو انت متعرفش فمعلش معذور برده مانت لسه صغير وطالب مخرجتش للجامعه اللى العالم بتاعها اوسع من المدرسه ،فطبعا خبرتك قليله لكن متقلقش انا معاك لغايه متفهم كل اللى انت محتاجه. ثم أكملت بتأكيد: مهو اكبرمنك بيوم بقه وانا مش اكبر منك بيوم لا دول بسنين تمام سلام بقه دلوقت ولو عايز حاجه تانى ابقى اسألنى قدام زمايلك فى الفصل علشان الكل يستفاد تمام .... ..ذهبت شمس من امام هانى وقلبها يرتجف من ضغط الموقف التى كانت فيه فهى لم ولن تلتفت ناحيته فإن التفتت لعلمت شيئا واحدا فقط انه يود قتلها ببساطه فهو يخرج نيران من اذنيه ورأسه سينفجر من كلام هذه الشمس ولكن الذى لا تعلمه شمس ان كلامها له لم يزيده الا اصرارا عليها فمن هى لتفقف امامه هكذا فهو يعلم ان مايشعر به اتجاها ليس مراهقه ابدا لانه لم ولن يكون كالمراهقين فى يوم ما، بل انه مستقل بذاته ومشاعره ناضجه رغم عمره وسيثبت لها ذلك مهما كانت النتيجه ........ ????? مرت الايام عليهم وشمس تصد كل محاوله لهانى مهما كانت بسيطه لاعتقادها الراسخ انها بالنسبه اليه مشاعر مراهقه وستنتهى ولن يبقى منها غير ذكرى سيضحك هوعليها عندما يجد الحب الحقيقى وهى ايضا ان كانت قد أعجبت بشخصيته وكبريائه فهى تعرف تمام المعرفه انه لا يصلح لها من اى اتجاه ولذا لم تحاول ان تفكر فى هذا الموضوع من اى زاوية أخرى وقررت أن تمضى ماتبقى من العام فى هذه المدرسه وهى تحاول ان تكون جاده جدا مع الجميع وهذا ماكان بالفعل.... قربت امتحانات نهاية العام وركزت شمس فى مذاكرتها حتى لا تنزل فى ترتيبها عن كل عام وكذلك هانى فهو شخصيه لا تحب الفشل ولكنه قرر ان يؤكد لها انه شخصيه من الممكن الاعتماد عليها وهذا من خلال نجاحه فى دراسته وحياته العمليه خاصة بعد كلامه مع ابيه منذ يومين .... فلاش باك ...... يجلس هانى ليذاكر دروسه ليدخل عليه والده فيجده شارد تماما وغير منتبه الى الكتاب الذى امامه ... والد هانى أحمد :...هانى هااااااااانى .. لينتبه هانى لابيه ويقول بابا اهلا بيك اتفضل دايه الخطوه العزيزه دى ..... أحمد بقهقهه خلى مامتك تسمعك علشان تقولك ايه الالفاظ البيئه اللى انت بتقولها دى ..... هانى بقلة حيله والله يابابا مش عارف ماما مالها خاصة يعنى انها مش من عيله غنيه قوى ولا حاجه اه اخوالى كلهم مراكز مرموقه بس بمجهودهم متولدوش وفى بقهم معلقه دهب يعنى ... أحمد وهو ينظر لهانى طيب وخالتك مجيبتش سيرتها ليه ..... هانى بتقزز الصراحه يابابا انا بحب خالتو اه بس ولادها لا وبالذات رغد بنتها دى اللى عامله زى اللزقه وحاسس كده ان ماما وخالتو ناوين على نيه وانا ان شاء الله مش هنفذها .... ليقهقه ابيه على تفكيره وهو يقول دانت ناوى على ان مامتك يجيلها الضغط وخالتك يجيلها السكر .. ثم نظر لهانى بمكر بس قولى هى رغد مش عجباك ولا ايه ..؟؟ هانى ببساطه المشكله انها مش فى دماغى اصلا علشان تعجبنى او متعجبنيش .. الاب بهدوء افهم من كده ان فيه حد فى دماغك ولا دماغك لسه مش مشغوله بحد ..؟؟ رد هانى بابتسامه وحالميه كبيره مش عارف ... ألاب وهو يغمز بعينه كل ده ومش عارف على العموم انا كنت حاسس انك متغير وقولت هتيجى وتحكيلى بس لما مجيتش قولت اجى انا .... هانى وهو يعتدل فى جلسته بص يابابا هو الموضوع وما فيه ان فيه واحده شدتنى جدا فى كل حاجه رغم انها مختلفه كليا عن اللى ماما بتتمناه فى مراتى واللى طبعا هى شايفاه فى رغد بنت خالتو بس انا شدنى ليها اختلافها ... قال والده بهدوء وهو يحثه على الكلام ازاى ...؟؟ فرد.هانى يعنى كيوته كده ورقيقه وفى نفس الوقت شخصيه كده وشديده ...جميله ملتزمه ثم نظر لوالده وقال ومحجبه ومبيهمهاش المظاهر وطبعا مش غنيه يعنى عاديه حالهم زى ناس كتير فاهمنى ورغم كده عندها اعتزار وكرامه مشوفتهاش والفلوس آخر حاجه تفكر فيهاو عمرها مافرقت معاها. الاب بإعجاب شديد دى فين دى معقول فيه حد كده انا قلت برده انك اكيد يوم ماتعجب بحد هيكون مختلف ،ثم أكمل بقلق بس كده مش هتجيب لمامتك الضغط...انت هتجيبلها جلطه. ضحك هانى على دعابة ابيه وقال بضيق: متقلقش يابابا هى اصلا طريقها صعب جدا .... أحمد وهو ينظر لهانى ابنه بجديه ..ليه ...؟ فرد.هانى بحزن لانها باختصار اكبر منى فرد ابيه بتفهم ماشى بكام سنه يعنى ؟ هانى بتوتر بحوالى ٤سنين ... الاب بهدوء ودى شوفتها فين بقه على كده ..؟؟ هانى بترقب لرد.فعل ابيه باختصار هى بتدرب تربيه عملى عندنا وبتدينى فى الفصل .... فانتظره والده ان يكمل فقص عليه هانى كل ما حدث منذ اول مرة رأى فيها شمس الى اخر مشاده كلاميه حدثت بينهما .. فنظر اليه والده وهو يتفحص تعبيرات وجه ابنه ليرى تأثير كلامه عليه ..بص ياهانى البنت دى عليت فى نظرى جدا جدا .. فرد هانى يعنى ايه ..؟؟ فأكمل ابيه لانها باختصار بنت محترمه وعارفه هى عايزه ايه أى واحده تانيه مكانها كانت استغلت الوضع ومهماش فرق السن او انها اكبر او اصغر على الاقل وهى شايفه تعلقك ده بيها كانت استغلت ده ماديا بس البنت دى لا. ولو انا اتمنيت ليك حد عمرى ماهتمنى حدأحسن من البنت دى .... ففرح هانى وقال يعنى يابابا انت معندكش اعتراض ...فوقف احمد ونظر اليه وقال انا لسه مكملتش كلامى فرد عليه هانى باحباط يعنى ايه ....؟؟ قال له والده بعقلية رجل محنك :ياهانى فيه حاجات كتيييير تمنع اولها انها معترضه اصلا على الموضوع يعنى الشعور مش متبادل .. رد هانى باندفاع لا انا حاسس انها عندها مشاعر بس يمكن علشان السن بتقاوح ...الاب بهدوء لانها عاقله وعارفه ان المشاعر من ناحيتك ممكن تكون انبهار باول شخص مختلف انت تقا**ه علشان كده هى مش هتتمادى فى حاجه ممكن تتغير بعدين .. هانى بغضب ليه يابابا لييييه انت وهى مفكرين ان مشاعرى ممكن تتغير مع انك دايما بتتباهى بعقلى وان تفكيرى تفكير ناس عاقلين وكبار، اشمعنى فى موضوع شمس كلكم اخدتم بالكم فاجأه ان انا لسه صغير ومراهق .... ربت ابيه على كتفيه ليهدأ وهو يقول ياهانى انا دايما فعلا بفتخر بيك وبعقلك لكن فى الموضوع ده بالذات فيه اكتر من جهه وصدقنى رغم انى عارف انك هتلاقى معارضات كتير واولهم من والدتك ومش بس علشان السن لا علشان حاجات كتييير الا انى مستعداقف معاك بس لو الظروف مختلفه ..وصدقنى سؤال واحد بس وياريت تفكر فيه هى دلوقت فاضلها سنه وتتخرج طيب وانت لسه هتدخل تالتة ثانوى وفاضلك رابعه جامعه دغير الجيش هل انت واثق تمام الثقه انها فى الفتره دى مش هتكون ارتبطت بواحد مناسب ليها واتجوزت ...... صدم هانى من تفكير أباه فهو لم يفكر فى أي شئ من هذا ابدا.... ?????? جلس هانى وهو يتذكر كيف وعد ابيه ان ينتبه لمستقبله اولا وان كان له نصيب فى شمس سيجمعه الله بها رغم كل الظروف ولكنه يجب ان يحترم وجهة نظرها ويترك لها حريه الاختار فمن الممكن أن تجد من يناسبها وان كان فعلا معجب بها ويحبها مثلما يقول سيتمنى لها الخير حتى ان لم يكن معه فقرر ان يسمع كلام ابيه مع الدعاء دائما فى صلاته ان كانت شمس خيرا له فليجمعه الله بها ولو بعد حين، وماساعده على ذلك هو انتهاء العام الدراسى والكل حاليا فى منزله استعدادا للامتحانات النهائيه وهو لن يلقاها ولكنه يرجو الله ان تأتى العام القادم لكى تتدرب مرة اخرى ..... ?????? انتهى العام الدراسى وجاءت الاجازه الصيفية....وكل له مايشغله......محمد والذى لم يصل لأى معلومات عن رنا التى تحمل نفس لقبه غير انها كانت فى الخارج مع عائلتها ورجعت منذ فتره بسيطه الى القاهره لتستقر بها هى وعائلتها ولا يوجدلهم أقارب فهدأ قليلا ولم يذكر الموضوع لأبيه اعتقادا منه انه مجرد تشابه اسماء ...... مصطفى والذى يهتم بصيدليته وبعائلته وخاصة شمس …شهاب قرر انه يمرح قليلا وينطلق قبل أن يدخل فى معركةالثانويه العامه. ذهب الى السايبر لكى يلعب مع اصدقائه وهناك تعرف على كريم وعرف انه فى نفس العام الدراسى ولكنه فى مدرسه تجريبى اصبحوا اصدقاء وبدأوا يخرجوا سويا فى كل مكان.. وذات يوم رن تليفون كريم ليرى المتصل ويبتسم ابتسامه كبيره جدا وهو يردبفرحة: ايوه الناس الندله اللى مسافره تتفسح وسايبينا ..... هانى وهو يضحك مانا قولتلك تعالى معانا وانت مرضيتش .... كريم لا ياعم انت ومازن متعودين على الحاجات دى لكن انا اخاف اتعود عليها اتعب .... هانى وهو يزداد اعجابه بصديقه الذى لم يستغل صداقته ولا لمره واحده :طيب خلاص انت وحشتنا وعايزين نشوفك ماتيجى احنا فى النادى. رد عليه كريم وقال لا تعالو انتو انا قاعد هنا فى كافيه على النيل مع واحد صاحبى ... هانى بسخرية: اه ياندل احنا سافرنا وانت صاحبت غيرنا. .... كريم بضحك :لا يعم ده صاحب جدع وانتوا هتحبوه فيه حاجات كتير شبهنا جدع وبن بلد وصاحب صاحبه تعالوا بس واحنا هنقعد مع بعض وتتعرفو عليه ..... هانى خلاص ابعتلنا اللو كيشن واحنا جايين .... بالفعل اتى هانى ومازن واخذوا كريم بالاحضان وعرفهم على شهاب وجلس الجميع مع بعضهم وقد احبوا شهاب جدا وايضا هو احبهم فهو لم يكن له اصحاب مقربين لاختلاف شخصيته عنهم فهو مثل أخته شمس يضحك ويلهو ولكنه رغم ذلك شخصيه جديه جدا .اصبح الاربعه اصدقاء وكانوا يخرجون جميعا مع بعضهم فى الاجازه وتقربوا من بعضهم جداااااا فى هذه الشهور البسيطه وتبادلو ارقام الهواتف .................. ????????? مرت السنين تخرجت شمس من كليتها وعملت بمدرسه انترناشونال .... دخل اخيها شهاب كليه الهندسه وهاهو فى اخر سنه فيها مع كريم اما مازن فدخل الشرطه وتخرج واصبح ملازم اول اما هانى فدخل الجامعه الامريكيه ودرس ادارة اعمال لكى يمسك مع عمه شركتهم وهاهو يتدرب فيها منذ عامه الاول بالجامعه حتى اصبح متمكن من العمل .. محمد ذهب الى الخارج لاكمال دراساته العليا فى بعثه تبع الجامعه اما مصطفى فأصبح يمتلك بدلا من الصيدليه اثنين وتحسنت مادياته ولكنه مازال معهم فى البيت ولم يتزوج رغم إلحاح والدته عليه لانه اتم الثلاثين ولكنه يقول لها دائما هطمن على شمس وبعد.كده هتجوز على طوووول ....... ياترى هل هانى نسى شمس فى هذه السنين؟؟ هل ياترى هيتقابلو تانى ولا وايه وايه اللى هيحصل لما محمد هيرجع ويقابل رنا تانى والصدفه هتجمعهم تانى كل ده هنشوفه فى الفصول القادمه والاحداث هتولع سلام مؤقت؟؟؟ رايكم بكل تفصيل انتوا عارفين اني بتعب جدا علي مابخلصوااا?لأنها اول روايه ليا

Free reading for new users

Scan code to download app

App Store Google Play

Facebookexpand_more