-Sienna-
“Ate Sienna!” nagulat si Karla nang makita nya akong huminto sa may paanan ng kama ni tiya Gina kung saan sya nakahiga. May nakakabit na suwero sa likod ng kamay niya. Marami silang pasyente sa loob ng ward at halos dikit-dikit ang mga kama. Kung may pera lang sana ako, ikukuha ko sya ng private room. “Mabuti nakadalaw ka sa amin, ate.”
Nang marinig ang pangalan ko, biglang nagmulat ng mga mata si tita Gina, at nakita ko ang pamumuo ng kanyang luha sa mga ito. “Sienna, anak.”
“Tita Gina…” lumapit ako at yumuko para yakapin sya. “Kumusta po ang pakiramdam nyo?”
“Okay naman ako.” sabi nya, pero pilit ang ngiting ibinigay sa akin. Ang laki na ng ipinayat nya kumpara noong huli kaming nagkita. “Sila lang naman kasi ang makulit na ipaopera ako, pero sa tingin ko ay hindi naman kail
