-Sienna-
Nagtataka pa rin ako sa sinabi ng matandang driver sa akin. Masaya siya dahil napapasaya ko si Tyler. Bakit? Magkaano-ano ba sila?
Napapailing na pumasok na ako sa loob ng bahay at inilock ang pinto. Pagpasok ko sa kuwarto, nakatanggap ako ng text galing kay Valentina. Kumunot ang noo ko nang may pagtataka. Bakit siya magtetext sa akin ng ganitong oras? At saka bakit gising pa siya?
"Hi, Sienna. Gusto mo ng raket?” tanong niya, at lalong lumalim ang pagkakakunot ng aking noo.
Raket?
Paminsan-minsan ay binibigyan ako ni Valentina ng extra na trabaho lalo na kapag kailangan ko ng pera. Kapag kulang ang pambayad ko ng bills o kaya naman ay wala akong pambayad ng renta ng bahay.
Ayoko namang manghiram kay Clyde at baka sabihin niya hindi pa kami mag-asawa pero nanghihingi na aga
