Kahit marami ang nagsasabing matulog muna ako para makabawi ng lakas sa pagod at puyat na sa pagkamatay ni Senyora Juana ay narito pa rin ako sa tabi ng aking yumaong biyenan.
Ngayon ang pangatlong araw na pagkamatay ni Senyora Juana kaya naman nagpaalam sa akin si Nanay Odet kung pwede raw ba na magdala siya ng taong mandarasal para kanyang yumaong kaibigan.
Wala naman problema. Matutuwa paniguro si Senyora Juana na may mga taong nagdarasal para sa kanyang kaluluwa.
Wala na rin akong dapat pa na utusan o manduhan sa mga dapat gawin dahil marami ang mga boluntaryong tumutulong kung ano ang mga dapat gawin.
"Kamusta ang naging tulog ng anak ko?" tanong ko kay Dani na mula sa loob ng bahay. Pinatulog ko siya dahil wala pa rin maayos na pahinga ang anak ko. Ayaw niya rin kumain kaya nag-
