Walang hanggan ang paulit-ulit kong pag-sambit ng pasasalamat Poong Maykapal ng sa wakas, pagkatapos ng ilang taon ay umuwi na si Uno sa piling ko.
Nasa business trip nga raw ang dati kong asawa kaya hindi nakasabay ng anak ko sa pag uwi dito sa villa.
Ibig sabihin lang darating din dito si Jeofferson.
Darating na siya at muli kaming magkakaharap.
Hindi ko alam kung anong dapat kong maramdaman sa kanyang napipintong pagbabalik ngunit sana lang ay wala na kaming maging away para mga anak namin na malalaki na.
Wala siyang alam tungkol kay Dani. At hindi ko rin batid kung anong mararamdaman niya para sa kanyang tunay na anak na hindi pa nakikilala.
Salamat naman at kahit paano ay naaalala niya ang kanyang Mama kahit sa mga huling sandali ng burol ng katawan nito.
"Anak, anong gusto mon
