"Ano kayang problema, asawa ko? Bakit hindi natin masundan-sundan si Uno ng kahit isang kapatid? Sigurado ako na sa ating dalawa ay ako na naman ang may problema. Ako ay may problema dahil sa aksidente na nangyari sa akin kaya nawalan ako ng silbi." Malungkot na pahayag ni Sir Jeoff ng hindi ako kumibo tungkol sa resulta ng pregnancy test na ginawa sa akin.
Ewan ko rin kung ano ang problema?
Pareho naman na maganda ang kondisyon ng aming katawan para makabuo ng anak ayon sa resulta ng mga kung anu-anong laboratory test na ginawa sa aming dalawa. Ngunit dalawang taon na simula ng subukan namin na magkaanak ngunit lagi kaming bigo.
Tatlong taon na si Uno kaya gusto na rin na sundan ng aking asawa. Mas marami pa nga raw na anak ang nais niyang gawin namin para maraming madagdag na miyembro
