Kahit hindi pa tuluyan na nakakalakad ang asawa ko ay napagpasiyahan na nga ni Senyora Juana ang mas mabuti pa na lumabas kami para maglibot para hindi naman daw kami pare-parehong nababagot sa loob ng bahay.
Dapat nga raw ay igala na namin ng igala si Uno habang bata pa at hindi pa nag-aaral. Dahil sa oras na pumasok na sa paaralan ang anak namin ay may limitasyon na ang lahat.
Buong akala ko nga ay simpleng paglilibot lang sa kung saan ang tinutukoy ng aking biyenan. Ngunit hindi pala. Sa labas lang naman ng bansa ang tinutukoy niyang paglibot namin.
Iba talaga kapag may pera ka. Madali lang para sayo ang lahat.
Una kaming nagpunta sa Hong Kong disneyland para kay Uno na talagang masayang-masaya sa napakagandang lugar na pinagdalhan sa kanya ng kanyang Lola Juana at Papa Jeoff.
Kun
