"Ayos ka na ba, asawa ko? Masakit pa ba ang ulo mo?" ang nag-aalalang tanong ng asawa ko matapos na sabihin ng doktor na pwede na kaming umuwi.
Dinala niya ako sa pinakamalapit na ospital matapos akong mawala sa sarili ko kanina habang kakain lang sana kami ng meryenda sa isang fast food chain kasama ng aming anak.
Hindi ko alam kung anong nangyari sa akin na bigla na lang akong nakadama ng takot ng makita ko kung paanong saktan ng babae ang kanyang anak.
Wari bang ako ang iyong batang sinasaktan ng nanay.
Kung anu-anong pumapasok sa utak ko.
Samu't-saring mga pangyayari na hindi ko alam kung totoo ba o hindi.
Naisip ko lalo ang paulit-ulit kong mga napapanaginipan. Iyong batang lalaki na sinasaktan sa panaginip ko.
Iyong batang lalaki na sumisigaw sa sakit habang nagmamakaawa na h
