"Panginoon, huwag Niyo po sanang pababayaan si Senyora Juana. Nakikiusap po ako sa Inyo," ang paulit-ulit kong panalangin mula pa kanina.
Hindi na bale na makulitan sa akin ang Poong Maykapal, basta ba marinig niya ang pagsamo ko para iligtas niya ang biyenan ko sa kung anong kapamahamakan.
Ako lamang ang mag-isa naririto.
Hindi talaga sumunod ang asawa ko kahit pabalat bunga lamang. Iyong pinakita man lamang niya sa mga kasama namin sa bahay na concern siya sa kalagayan ng kanyang Mama.
Wala talaga siyang pakialam sa kanyang nanay na ngayon ay nag-aagaw buhay dahil sa kagagawan niya.
Kung hindi niya sinumbatan ang kanyang nanay ay hindi sana aabot sa ganito si Senyora Juana.
Kanina lamang ay maaayos kaming nag-uusap pero ngayon ay hindi na malaman ng mga doktor at mga nurse na naka
