KINAKABAHAN NA SINAMAHAN ni Liza si Miko sa huling lamay ni Lola Katerina. Silang dalawa lamang ni Miko ang pumunta dahil ayaw sumama ni Arya. Hindi na siya nagtanong kung bakit. Nakiusap lang si Arya na alalayan niya si Miko.
Lahat ay nagulat nang makita si Miko na kasama siya sa huling lamay ni Lola Katerina. Deretso silang lumapit sa kabaong. Nakahawak siya sa kamay ni Miko at nararamdaman niya ang panginginig ng kamay nito. Ang pagtulo ng luha ni Miko ay tuloy-tuloy hanggang sa makalapit sila.
Bumuhos ang luha nito sa harapan ni Lola Katerina. Kulang na lang ay yakapin ni Miko ang kabaong. Todo alalay ang ginawa niya kay Miko. Hindi niya na napansin si Mike kung nasa loob ba ito. Lahat kasi ng kanyang atensiyon ay na kay Miko.
Lumapit si Mama Sarah kay Miko. Niyakap nito ang anak mu
