KUNG SI MIKE lang ang masusunod ay wala siyang balak na lumabas ng silid at kumain kasabay ang bisita ni Jared pero nahihiya naman siya sa kanyang abuela. Pinilit lamang siya nitong bumaba lalo pa at buong araw yata siyang hindi kumain. Masakit na masakit pa kasi ang ulo niya dahil sa dami ng alak na nainom niya kagabi. Buong araw siyang tulog. Hindi niya alam kung paano niya itutuloy ang buhay na wala si Liza. Pakiramdam niya nga ay nasisiraan na siya ng ulo. Hindi niya na alam kung ano ang iisipin.
Pagbaba niya ng hagdan ay napansin niya ang babaeng kasama ni Jared. Mukhang kadarating lang din ng mga ito. Asikasong-asikaso nito ang babaeng nililigawan. Nagtama ang kanilang mga mata kaya bahagya siyang ngumiti rito.
“Mike!” tawag sa kanya ni Jared.
Lumapit siya sa hapag-kainan. Napans
