LII.
NASA MESA NA silang lahat at oras na ng pananghalian. Hindi pa sila nagsimulang kumain sapagkat hinihintay pa nila ang pansit na pinaluto ni Lord sa chef nila sa resort. Habang hinihintay nila iyon, naalala ni Lord ang sinabi ng kaibigang si Edward na gusto siya ng kambal nitong si MaCo. Napaisip naman siya na baka noong panahong hinalikan niya ito ay gustong-gusto nito iyon. Tiningnan niya si MaCo na tahimik na kumakain muna ng pakwan. Ang ginawa niya, tumayo muna sa kinauupuan niya at lumipat sa kinauupuan ni MaCo para tabihan ito.
Kinurot ni Lord ang pisngi ni MaCo. “Hi.”
Napahawak si MaCo sa pisngi nito. “Ano ba, Lord! Parang kang baliw riyan.”
Muling kinurot ni Lord ang pisngi nito. “Ang sungit naman.”
“Baliw! Ano ba!? Tatadyakan kita riyan ngayon!” inis na sabi ni MaCo.
“
