LV.
TAHIMIK LANG SI MaCo habang nakalublob ang katawan sa karagatan. Nakatanaw siya sa malayo habang hindi mawala sa isipan niya ang nakita kanina. Ang buong akala niya ay kaya pa niya pero nagkamali siya roon. Nasasaktan pa rin siya nang paulit-ulit lalo na kapag nakitang naglalambingan ang lalaking gusto niya sa kaibigan niya. Aminado siya sa sarili na wala siyang karapatan magselos pero hindi niya maiiwasan iyon. Para sa kaniya, hindi rin naman basta madaling kalimutan ang nag-iisang Lord Vincent lalo pa at nakikita niya na kung gaano kabusilak ang puso nito. Hindi lang iyon, kung ihahalintulad niya ito sa isang potahe ay kumpleto ang sahog nito. Na kay Lord na ang lahat kaya hindi niya maiwasan talaga na mahulog dito at iyon na nga—hindi siya kailanman kayang saluhin nito. Tanggap niy
