LVII.
NAGLALAKAD NA LANG pabalik sina Lord at Soshmitta sa resort. Napagod lang silang dalawa sa ginagawa nila kanina. Ang layo ba naman nang narating nila. Habang naglalakad, nasa likuran si Lord ni Soshmitta at nakapatong pa ang mga kamay niya sa balikat nito. Nang nakita niyang magulo ang buhok nito, napangiti siya.
“Huwag ka muna gumalaw, Mitta,” wika ni Lord.
Natapos niyang masabi iyon ay agad na huminto si Soshmitta. Kinuha naman ni Lord ang panyo sa bulsa niya at itinali iyon sa buhok ni Soshmitta.
“Humarap ka nga,” nakangiting sabi ni Lord.
Humarap na si Soshmitta. Makikita naman ang pamumula ng mukha nito. Kahit anong pigil ang ginawa nito, nahihirapan itong pigilan ang sarili nito. Kinikilig ito sa simpleng ginawa ni Lord dito. Bilang isang babae, labis ang saya nito.
“Mas
