LVIII.
HANGGANG NGAYON AY hindi pa rin pinapansin ni Caitlyn si Edward. Nagsimula ang lahat noong sinabihan siya nito na hindi siya maganda. Hindi iyon mawawala sa isipan niya kaya labis ang inis niya rito. Gusto niyang humingi ito ng patawad sa kaniya pero parang malabo lang iyon sapagkat inirapan lang siya nito. Mas nadagdagan tuloy ang galit niya rito. Sa pang-iirap nito sa kaniya, sigurado siyang may kamalayan ito na galit siya. Mataas lang ang pride nito kaya hindi niya maririnig mula sa bibig nito ang gusto niyang marinig.
Napaisip naman siya na baka isa sa dahilan kung bakit wala itong kasintahan dahil sa ugali nito. Napakasuplado nito na daig pa ang babae. Sa isipan niya, hindi kaya? Napatitig siya kay Edward na seryosong nakaupo sa tabi ni MaCo. Pagkatapos, hindi niya mapigilang
