“Sorry to keep you waiting, Sirs.”
Agad na paghingi ng paumanhin ni Mirathea sa tatlong lalaking nakaupo sa harap ng bilugang mesa, pagkapasok niya sa loob ng VIP room ng hotel.
Sabay naman ang mga itong napatingin sa kaniya. Pero kaagad na bumilis ang pagtibok ng puso niya nang magsalubong ang mga mata nila ni Dr. Fortalejo.
As usual malamig iyon at walang emosyon.
Naalala niya ang pagligtas nito sa anak nila, kung paano nito niyakap nang mahigpit si Hope na tila takot na takot din ito sa nangyari, at kung gaano kagalit ang boses nito nang tanungin nito kung sino ang mga magulang ni Hope.
Gusto niya itong pasalamatan pero hindi naman niya alam kung paano, nang hindi nito malalaman kung ano ang totoong relasyon niya sa bata.
Kaagad na iniwas niya ang tingin dito. Napadako naman ang t
